أسئله ترفع الضــــغط تخليه" أتـــــش "

بعض اللقافة والكلمات اللي ترفع الضغط

وودك تتوطى في بطن اللي قالها



مثــلا :-

أنت بغرفتك منسدحه بالسرير ومطفيه النور ومتلحفه بالبطانيه >>> أحيه يالبرد . . .

يجي أحد أخوانك ويفتح الباب عليك ويقول :- بتنامين ! ! !

(( لا أبرقص ,, أكيد أبنام ))


أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتــوا العزيمـه "

(( لا رحنـــا ,, أكيد جينا وأنت وش تشوف ))
والعكس :- أنت لابسه ثوبك وكاشخه وماشيه بالبيت متجها لباب الشارع ,,

يجي أحد من أهلك وينادي بصوت عالي >>> بتطلع ! ! !

(( أبدخل ,, أيه أبطلع ))



ولامثلا أنتي بالكليه او الجامعه وقمتي من الطاولة عقب ألف سالفه وسلافه يتخللها الحش والضحك

والغشمرة ورحتي عند الباب تلبسين عبايتك . . .

تجي وحده ملقوفه من البنات وتقولك : - فلانه بتروحين البيت ! ! !

(( لا أبطلع برا أشم هواء , , أكيد أبروح لـبـيـتـنـا من زين الكليه جالسه في استاربوكس ونا مدري ))

مثلا ماسكه سماعه التلفون وقاعد تضغط بالأرقام يجي أحد من أهلك ويقولك :-تكلمين تليفوون ! ! !

( (لا بصور معه كم صوور تذكاريه , , أكيد أبكلم ))


مثلا :- ماسكه مذكرة أو كتاب وقاعده تحفظين ومتحمس ه. . جاء أحد وقالك :- قاعده تذاكرين ! ! !

(( لا أفرش اسناني , , , أيه أذاكر ))


ولا تعالــو شوفو قنواتنا وأسئلتهم البديهيه البايخه . . , ,

برنامج أهداءات يتصل واحد يطلب أغنيه ؟

ترد عليه المذيعه بكل سخافه :- أنت بتحب هذه الأغنيّة ! ! !

(( لا ما أحبها بس طالبها أستهبل , , إيه أحبها ليش أجل متصل ))


أو مثلا بالعيد جايـيـن يقابلون مع الناس شوفو حوارتهم :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- وش تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( أكيد يبي يقولهم هالعباره , أجل وش تبونه يقول بهالمناسبه ))


والأسخف من هالبديهيات اللي تضيع وقتنا إذا قابلو مع بزارينا , , ,

يقول المذيع للبزر :- أنت تحب ماما وبابا ! ! !

(( أيه يحبهم أجل تبي يقول لا ))

المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !

(( لا أبروح أكفخهم وأسوي هوشه , , , أكيد أبعايدهم ))


واحد شاايل شنطته ومتجه عند بوابه المطار ويشووفه خويه با الصدفه هلا والله اعلومك اخبارك شو تسووي في المطار

(( والله جاي اشوف مباراه الهلال والأهلي... اكيد اني بسافر ))